Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 485 Hüküm no: 321 Orijinal metin no: [77b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman b. Abdülkadir’in terekesi Defter oldur ki Mahmiye-i Galataˈya tâbi‘ kasaba-i Tophâne mahallâtından Cihangir mahallesinde sâkine iken bundan akdem fevt olan sagīr Osman b. Abdülkadirˈin verâseti li-üm kız karındaşı sagīre Hamideˈye ve li-eb erkarındaşı Mehmedˈe münhasıra olup müteveffâ Osmanˈın muhallefâtından südüs hisse-i şer‘iyesi mezbûre Hamide bt. Dilaverˈe ve bâkī mezbûr Mehmedˈe isâbet ettikde mezbûre Hamide dahi fevt olmağla ber-mûceb-i defter-i kassâm-ı askerî mahmiye-i mezbûre mahallâtından Pürtelaş Hasan mahallesinde vâki‘ menzilden vesâir esvâbdan hisse-i şer‘iyesidir ki zikrolunur. Hurrire bi-ma‘rifet-i Mehmed Ağa el-emîn alâ-beyti’l-mâl. Fiˈl-yevmiˈs-sâdis min-şehri Ramazaniˈl-mübârek li-sene erba‘a ve semânîn ve elf. Hisse-i mezbûre Hamide aniˈl-müntakil Osman el-mezbûr cümle muhallefâtdan hisse 11966 Minhâ Techîz ve tekfîn 1000 Resm-i âdî 480 Kassâmiye 160 Kalemiye, ihzâriye 160 Yekûn 1800 Sahhuˈl-bâkī 10166 Fî-yedi emîn-i beytü’l-mâl 6000 Nukūd-ı müteveffâ Osmanˈın nafaka-i mefrûzasına sarf olunup menzilde olan hisse mezâd olmağla emîn-i mezbûr meblağ-ı mezbûr üzre vasî yedinden sulh [ile] tarîk olunmuşdur.