Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 493 Hüküm no: 327 Orijinal metin no: [79a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin annesi ölen Fâtıma adlı çocuğa nafaka takdir ettiği Mahrûse-i Galata tevâbi‘inden Kasımpaşa kasabası mahallâtından İbâdullâh mahallesinde sâkine iken bundan akdem vefât eden Hacer nâm hatunun Fâtıma bt. Reis-i sultânî İvaz nâm sagīre kızına müteveffât-ı mezbûreden müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını, hâmile-i hâze’l-kitâb Âişe nâm cedde-i sahîhası taleb etmeğin, hâkim-i muvakkı‘ a‘lâhü el-mütevakkı‘ rızâi rabbihî ve mevlâhu dahi sagīre-i mezkûreye nafaka ve kisve-bahâ için mal-ı mûrisden zeylde mezkûr târihden külle yevm râyicü’l-vakt dört akçe farz ve takdîr edip meblağ-ı mefrûzu sagīre-i mezbûrenin havâicine sarfa ve vakt-i zarûretde istidâne ve hîn-i zaferde rücû‘a mezbûre Âişe Hatun’a izin birle mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’s-sâbi‘ aşere min-şehri Ramazani’l-mübârek li-sene 84. Şuhûdü’l-hâl: Mehmed Çelebi b. el-Hâc Ali, Ali Beşe el-muhzır, Hüseyin Beşe el-muhzır, Ahmed Beşe el-muhzır