Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 517 Hüküm no: 339 Orijinal metin no: [82b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin babası ölen Mehmed adlı çocuğa vasî atadığı Mahmiye-i Galata tevâbi‘inden Tophâne mahallâtından Sakabaşı mahallesinde sâkin iken bundan akdem vefât eden Süleyman Beşe nâm müteveffânın Mehmed nâm sagīr oğlunun tesviye-i umûruna vasî lâzım olmağın, hâkim-i askerî-i muvakkı‘-ı a‘lâhü el-mütevakkı‘ rızâi rabbihî ve mevlâhu, sagīr-i mezbûra müteveffâ-yı mezbûrdan irs-i şer‘le intikāl eden mâllarını hıfz ve hallerini zabt için evân-ı rüşd ve hadd-i bulûğuna değin râfia‘-i hâze’l-kitâb Fâtıma bt. Mustafa nâm hatunu vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-ehad min-Şevvali’l-mükerrem li-sene erba‘a ve semânîn ve elf. Şuhûdü’l-hâl: İsmail Çelebi b. Mehmed, İbrahim Çelebi el-müezzin, Hacı Mustafa b. Mansur, Hüseyin Beşe b. Ali, Ali Bey b. Abdullah