Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 518 Hüküm no: 340 Orijinal metin no: [82b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin cenine vasî atadığı Mahmiye-i Galata tevâbi‘inden Tophâne kasabası mahallâtından Sakabaşı mahallesinde sâkin iken bundan akdem vefât eden Süleyman Beşe b. Hüseyin’in zevce-i metrûkesi Âişe nâm hatunun batnındaki hamlin hâline ve ba‘de’l-vilâdet tesviye-i umûruna vasî lâzım olmağın, hâkim-i muvakkı‘-ı a‘lâhü el-mütevakkı‘ rızâi rabbihî ve mevlâhu, cenîn-i mezbûra müteveffâ-yı mezbûrdan irs-i şer‘le intikāl edecek hisseyi hıfz ve hallerini zabt için evân-ı rüşd ve hadd-i bulûğuna değin râfia‘-i hâze’l-kitâb Âişe bt. Abdullah nâm anasını vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’s-sâbi‘ ve’l-işrîn min-şehri Ramazani’l-mübârek li-sene erba‘a ve semânîn ve elf. Şuhûdü’l-hâl: es-Sâbıkūn