Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 526 Hüküm no: 346 Orijinal metin no: [84a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin babası ölen Ahmed adlı çocuğa nafaka takdir ettiği Mahmiye-i Galata tevâbi‘inden Tophâne kasabası mahallâtından Muhyiddin Efendi mahallesinde sâkin iken bundan akdem vefât eden Ali Çavuş’un Ahmed nâm sagīr oğluna müteveffâ-yı mezbûrdan müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını, hâmil-i hâze’l-kitâb Ali Çavuş nâm vasîyy-i şer‘îsi taleb etmeğin, hâkim-i muvakkı‘ a‘lâhü el-mütevakkı‘ rızâi rabbihî ve mevlâhu dahi sagīr-i mezkûra nafaka ve kisve-bahâ için mal-ı mûrisden zeylde mezkûr târihden külle yevm râyicü’l-vakt üç akçe farz ve takdîr edip meblağ-ı mefrûzu sagīr-i mezbûrun havâicine sarfa ve vakt-i zarûretde istidâne ve hîn-i zaferde rücû‘a mezbûr Ali Çavuş’a izin birle mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’l-hâmis min-Şevvali’l-mükerrem li-sene erba‘a ve semânîn ve elf. Şuhûdü’l-hâl: Mâ-sebeka