Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 525 Hüküm no: 345 Orijinal metin no: [83b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin annesi ölen Ahmed adlı çocuğa vasî atadığı Mahmiye-i Galata tevâbi‘inden Tophâne kasabası mahallâtından Muhyiddin Efendi mahallesinde sâkine iken bundan akdem vefât eden Arife bt. Ahmed Çelebi’nin Ahmed nâm sagīr oğlunun tesviye-i umûruna vasî lâzım olmağın, hâkim-i muvakkı‘-ı a‘lâhü el-mütevakkı‘ rızâi rabbihî ve mevlâhu, sagīr-i mezbûra müteveffât-ı mezbûreden irs-i şer‘le intikāl eden mallarını hıfz ve hallerini zabt için evân-ı rüşd ve hadd-i bulûğuna değin hâmil-i hâze’l-kitâb Ali Çavuş nâm kimseyi vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’r-râbi‘ min-Şevvali’l-mükerrem li-sene 84. Şuhûdü’l-hâl: Abdurrahman Efendi b. Veliyüddin el-kādî, Osman Beşe b. Muharrem, Ahmed Beşe b. Mustafa, Ali Çelebi b. Mehmed, Ömer Efendi b. Ali