Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 527 Hüküm no: 348 Orijinal metin no: [84a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bayram Beşe’nin, merhum Toygar Receb’in küçük oğlu Mustafa’ya vasî tayin olduğu Mahmiye-i Galata hâricinde Hoca Ali mahallesinde sâkine iken bundan akdem vefât eden Toygar Receb nâm kimesnenin sulbî sagīr oğlu Mustafaˈnın vasîsi olmayıp tesviye-i umûri’çün bir vasî nasbından lâ-büd olmağın işbu sahibüˈl-kitâb Bayram Beşe b. İlyas nâm kimesne her vecihle [84b] vesâyete ehil olduğun sikāt-ı Müslimîn haber vermeğin mezbûr Bayram Beşe sagīr-i mezbûr Mustafaˈya savb-ı şer‘den vasî nasb olundukda ol dahi vesâyet-i mezkûreyi kabûl ve hizmet-i lâzımesin edâya müte‘ahhid olmağın mâ vaka‘a biˈt-taleb ketb olundu. Hurrire fî-evâil-i şehri Ramazaniˈl-mübârek li-sene erba‘a ve semânîn ve elf. Şuhûdüˈl-hâl: el-Hâc Murad b. Yusuf, Mehmed Beşe b. Süleyman, Mahmud b. Durmuş, Ahmed Çelebi b. Abdullah, Mehmed Beşe b. el-Hâc Şa‘bân, Veli Beşe b. İbrahim