Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 759 Hüküm no: 985 Orijinal metin no: [117a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Süleyman Çelebi b. Derviş’in, Mehmed Çavuş b. İbrahim’deki alacağı için mühlet verildiği İşbu bâ‘isü’l-kitâb Süleyman Çelebi b. Derviş nâm kimesne meclis-i şer‘-i şerîf-i Ahmedî ve mahfil-i [dîn-i münîf-i] Muhammedî’de Mehmed Çavuş b. İbrahim nâm kimesne mahzarında üzerine da‘vâ ve takrîr-i kelâm edip mezbûr Mehmed Çavuş zimmetinde karz-ı şer‘îden ve yedimden müşterâ ve makbûz beynimizde ma‘lûm olup esvâb bahâsından üç yüz esedî guruş hakkım vardır suâl olunup alıverilmek matlûbumdur dedikde gıbbe’s-suâl mezbûr Mehmed Çavuş cevâbında ciheteyn-i mezbûreteynden müdde‘î-i mezbûra deynim ancak iki yüz elli esedî guruşdur deyip ziyâdeyi inkâr etmeğin müdde‘î-i mezbûrdan ziyâde da‘vâsı için beyyine taleb olundukda ityân-ı beyyine için istimhâl etmekle mehl-i şer‘î ile imhâl olundukdan sonra mûcebince meblağ-ı mezbûr iki yüz elli esedî guruşu müdde‘î-i mezbûra edâya merkūm Mehmed Çavuş’a tenbîh olunmağın mâ hüve’l-vâki‘ bi’t-taleb ketb olundu. Fi’l-yevmi’l-hâmis min Şevvâli’l-mükerrem li sene seb‘a ve seb‘în ve elf. Şuhûdü’l-hâl: Es-Sâbikūn.