Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 557 Hüküm no: 372 Orijinal metin no: [90b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun’un, merhum kocası Rodoslu Mehmed’in zimmetindeki mehir alacağını diğer varis İvaz Çelebi’den alması için Ahmed Efendi’yi vekil tayin ettiği Mahmiye-i Galata a‘mâlinden kasaba-i Kasımpaşaˈda el-Hâc Hasan mahallesinden olup bundan akdem Kırım Adasıˈnda fevt olup Rodoslu Mehmed Kapudan b. Yusufˈun verâseti zevce-i metrûkesi Âişe Hatun bt. Elvan ile li-üm er karındaşı İvaz Çelebi b. Mehmedˈe münhasıra olduğu şer‘an zâhir ve müte‘ayyin oldukdan sonra mezbûre Âişe Hatun meclis-i şer‘-i hatîrde işbu râfi‘üˈr-rakīm Ahmed Efendi b. Ali mahzarında ikrâr-ı tâm ve takrîr-i kelâm edip zevcim müteveffâ-yı merkūmun zimmetinde mütekarrir ve ma‘kūdun-aleyh olan yüz kıt‘a esedî guruş mehr-i müeccelim ile terekesinden bana isâbet eden rub‘ hisse-i şer‘iyemi muhallefâtına vâzi‘uˈl-yed olan karındaşı mezbûr Ivaz Çelebiˈden da‘vâ ve taleb ve ahz u kabz ve bana isâle ve kabz ve îsâl mütevakkıf olduğu mevâddın küllîsine ve zevcim müteveffâ-yı merkūmun terekesinden da‘vâ-yı hukūk eden kimesneler muhâsama ve ledeˈl-hükkâm mürâfa‘a ve redd-i cevâba tarafımdan merkūm Ahmed Efendiˈyi vekîl ve menâbıma nâib nasb ve ta‘yîn [eyledim] dedikde mezkûr Ahmed Efendi dahi vekâlet-i mezbûreyi kabûl ve hizmet-i lâzımesini edâya ta‘ahhüd etmeğin mâ vaka‘a biˈt-taleb ketb olundu. Fiˈl-hâmis veˈl-işrîn min-Şevval li-sene erba‘a ve semânîn ve elf. Şuhûdüˈl-hâl: es-Sâbıkūn