Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 558 Hüküm no: 374 Orijinal metin no: [91a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin İbrahim ve Afife adlı çocuklara vasî atadığı Hazret-i Ebâ Eyüb el-Ensârî kazâsı tevâbi‘inden Ayas Ağa karyesinde sâkine iken bundan akdem vefât eden Sâliha bt. Hasan nâm hatunun İbrahim nâm sagīr oğluyla Afîfe nâm sagīre kızının tesviye-i umûruna vasî lâzım olmağın, hâkim-i hâsim-i muvakkı‘-ı a‘lâhü el-mütevakkı‘ rızâi rabbihî ve mevlâhu, sagīreyn-i mezbûreyne müteveffât-ı mezbûreden irs-i şer‘le intikāl eden mallarını hıfz ve hallerini zabt için evân-ı rüşd ve hadd-i bulûğuna değin hâmil-i hâze’l-kitâb fahrü’l-akrân Mehmed Beşe b. Halil nâm kimseyi vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’r-râbi‘ min-Zilka‘deti’ş-şerîfe li-sene erba‘a ve semânîn ve elf. Şuhûdü’l-hâl: es-Sâbıkūn