Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 559 Hüküm no: 375 Orijinal metin no: [91a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin İbrahim ve Afife adlı çocuklara nafaka takdir ettiği Hazret-i Ebâ Eyüb el-Ensârî kazâsı tevâbi‘inden Ayas Ağa karyesinde sâkine iken bundan akdem vefât eden Sâliha bt. Hasan nâm hatunun İbrahim nâm sagīr oğluyla Afîfe nâm sagīre kızına müteveffât-ı mezbûreden müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını, ceddeleri ve hâdineleri bâ‘isetü’l-vesîka Fâtıma bt. Halil taleb etmeğin, hâkim-i muvakkı‘ a‘lâhü el-mütevakkı‘ rızâi rabbihî ve mevlâhu dahi sagīreyn-i mezkûreynin her birine nafaka ve kisve-bahâ için mal-ı mûrisden zeylde mezkûr târihden külle yevm râyicü’l-vakt beş akçe farz ve takdîr edip meblağ-ı mefrûzu sagīreyn-i mezbûreynin havâicine sarfa ve vakt-i zarûretde istidâne ve hîn-i zaferde rücû‘a mezbûre Fâtıma hatuna izin birle mâ-vaka‘a biˈt-taleb ketb olundu. Cerâ zâlike ve hurrire fi’t-tâsi‘ min-Zilka‘deti’ş-şerîfe li-sene 84. Şuhûdü’l-hâl: es-Sâbıkūn