Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 563 Hüküm no: 379 Orijinal metin no: [92a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bali Beşe’nin terekesinden çocuklarına vasî tayin edilen Rıdvan’a maaş bağlanması Medîne-i Hazret-i Eyübˈde Kiremetçi Süleyman mahallesinde sâkin iken bundan akdem vefât eden Bali Beşe b. Behramˈın sagīr oğlu Ali ile firâşından hâsıl zevce-i batnında mevcûd hamle savb-ı şer‘den vasî nasb olunan Rıdvan Bey b. Abdullah meclis-i şer‘de takrîr-i kelâm edip vasîleri olduğum mezbûrânın mallarında kadr-ı kifâye savb-ı şer‘den bana ücret ta‘yîn olunmak matlûbumdur dedikde hâkim-i muvakki‘-i sadr-ı kitâb tûbâ-lehû hüsnü-meâb hazretleri vasî-i mezbûrun ücreti içün günde beş akçe mezbûrânın mallarından ta‘yîn edip ol dahi hizmet-i lâzımesini edâya ta‘ahhüd etmeğin mâ vaka‘a biˈt-taleb ketb olundu. Fiˈl-işrîn min-Recebiˈl-ferd li-sene erba‘a ve semânîn ve elf. Şuhûdüˈl-hâl: Fahrüˈl-eşbâh Şa‘bân Ağa, Mehmed Efendi b. Mesud, Emrullah Çelebi b. Cafer, Mehmed Efendi b. el-imâm, Ahmed Çelebi b. Mehmed Efendi, es-Seyyid Yusuf Çelebi b. es-Seyyid Halil