Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 563 Hüküm no: 378 Orijinal metin no: [91b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Merhum Ali’den amcası oğlu Mehmed’e kalan tereke için Rıdvan Bey’in vasî tayin olduğu Medîne-i Hazret-i Eyübˈde Kiremitçi Süleyman mahallesinde sâkin iken bundan akdem vefât eden Ali nâm sagīrin verâseti Canfeda ile li-ebeveyn kız karındaşı Hadîce nâm sagīre ile li-eb ammisi Osmanˈın oğlu Mehmed nâm sagīre münhasıra olmağla sagīr-i merkūm Mehmedˈe mezkûr Aliˈden intikāl eden mâlını hıfz ve hâlini zabta bir vasîden lâ-büd olmağın hâkim-i muvakki‘-i sadr-ı kitâb tûbâ-lehû ve hüsnü-meâb hazretleri işbu râfi‘üˈl-vesîka Rıdvan Bey b. Abdullah her vecihle mahâl ve müstahak olmağla sagīr-i mezbûrun mâlını hıfz ve hâlini zabta mezbûr Rıdvan Beyˈi vasî nasb ve ta‘yîn eyledikde ol dahi vesâyet-i mezbûreyi kabûl ve hizmet-i lâzımesini edâya müte‘ahhid olmağın mâ vaka‘a biˈt-taleb ketb olundu. Fî-gurreti Zilka‘de li-sene erba‘a ve semânîn ve elf. Şuhûdüˈl-hâl: Şa‘bân Ağa, Mehmed Efendi Arabzâde, Esad Çelebi b. Mesud, Emrullah Çelebi b. Cafer, Mehmed Efendi el-imâm, Yusuf Çelebi b. Halil