Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 760 Hüküm no: 987 Orijinal metin no: [117a-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâlih Beşe b. Lütfullah’ın, Yunus Beşe b. İbrahim’de alacağı olduğu Gemici tâifesinden Sâlih Beşe b. Lütfullah nâm kimesne meclis-i şer‘-i hatîr-i lâzımü’t-tevkīrde Yunus Beşe b. İbrahim nâm kimesne mahzarında üzerine da‘vâ ve takrîr-i kelâm edip bundan akdem merkūm Yunus Beşe’ye yüz seksen esedî guruşumu ikrâz ve teslîm ol dahi iktirâz ve kabz etmişidi hâlâ taleb ederim suâl olunsun dedikde gıbbe’s-suâl ve’l-inkâr müdde‘î-i mezbûrdan müdde‘âsını mübeyyine beyyine taleb olundukda ityân-ı beyyineden izhâr-ı acz ile istihlâf etmeğin fi’l-vâki‘ müdde‘î-i mezbûrdan vech-i muharrer üzre yüz seksen esedî guruş iktirâz ve kabz etmeyip meblağ-ı mezbûr zimmetinde edâsı lâzım deyni olmadığına merkūm Yunus Beşe’ye yemîn teklîf olundukda yemînden nükûl etmeğin mûcebince meblağ-ı mezbûr yüz seksen esedî guruşu müdde‘î-i merkūma edâya mezbûr Yunus Beşe’ye tenbîh olunup mâ hüve’l-vâki‘ bi’t-taleb ketb olundu. Fi’l-yevmi’s-sâbi‘ min Şevvâli’l-mükerrem li sene seb‘a ve seb‘în ve elf. Şuhûdü’l-hâl: Süleyman Çelebi Hasan, İbrahim Çelebi b. Ahmed, Şükrullah Bey b. Mustafa, Resul b. Rıdvan.