Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 760 Hüküm no: 988 Orijinal metin no: [117b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed b. Ali’nin, el-Hâc Mehmed Ağa’da alacağı olduğu Bogasici tâifesinden bâ‘isü’l-kitâb Ahmed b. Ali nâm kimesne meclis-i şer‘-i şerîf-i lâzımü’t-teşrîfde el-Hâc Mehmed Ağa b. Arslan Ağa mahzarında üzerine da‘vâ ve takrîr-i kelâm edip yedimden müşterâ ve makbûz beynimizde ma‘lûm bogasi ve tülbent semenlerinden merkūm el-Hâc Mehmed Ağa zimmetinde beş bin iki yüz seksen akçe hakkım vardır suâl olunup alıverilmek matlûbumdur dedikde, gıbbe’s-suâl mezbûr el-Hâc Mehmed Ağa müdde‘î-i mezbûr zimmetinde vâcibü’l-edâ ve lâzımü’l-kazâ beş bin iki yüz seksen akçe deyni olduğunu tâyi‘an ikrâr ve i‘tirâf etmeğin mûcebince meblağ-ı mezbûru müdde‘î-i mezbûra edâya merkūm el-Hâc Mehmed Ağa’ya tenbîh olunmağın mâ hüve’l-vâki‘ bi’t-taleb ketb olundu. Fi’l-yevmi’s-sâdis min Şevvâli’l-mükerrem li sene seb‘a ve seb‘în ve elf. Şuhûdü’l-hâl: Yusuf Çavuş [b.] Abdullah el-Mübâşir, çukadâr Hasan b. Abdullah, Ahmed b. Ali, fahrü’l-eşbâh Şaban Ağa Ser-muhzırân, İbrahim b. Ahmed, Hasan Çelebi b. Ahmed.