Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 605 Hüküm no: 415 Orijinal metin no: [99b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Ağa’nın, merhum Mehmed Beşe’nin karısı ve karnındaki bebeğe vasî tayin olduğu Mahmiye-i Galata muzâfâtından kasaba-i Tophâneˈde Cihangir mahallesinde sâkin iken bundan akdem vefât eden Mehmed Beşe b. Ahmed nâm kimesnenin firâşından hâsıl zevce-i menkûhası Alime bt. İsmail batnında mevcûd hamlin tesviye-i emrine kıbel-i şer‘den vasî nasb olunması lâ-büd olmağın işbu bâ‘isüˈl-kitâb zahrüˈl-eşbâh Ahmed Ağa b. Mehmed her vecihle müstakīm ve emr-i vesâyete ehil ve kādir olmağla minvâl-i muharrer üzere haml-i mezkûre nasb ve ta‘yîn olundakda merkūm Ahmed Ağa dahi vesâyet-i mezkûreyi kabûl ve hizmet-i lâzımesini edâya ta‘ahhüd etmeğin [100a] mâ vaka‘a biˈt-taleb ketb olundu. Fiˈs-sâmin veˈl-işrîn min-Zilka‘detiˈş-şerîfe li-sene erba‘a ve semânîn ve elf. Şuhûdüˈl-hâl: Mahmud Çelebi b. Hüseyin, Ramazan Çelebi b. Hüseyin, Mustafa Çelebi b. Receb, Mehmed b. Fethullah, Abdülbaki Çelebi b. İbrahim, Ahmed Çelebi b. İbrahim.