Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 605 Hüküm no: 416 Orijinal metin no: [100a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmihan Hatun’un, çocuklarına vasî tayin olan Şaban Çavuş’a nâzır tayin olduğu Medîne-i Hazret-i Eyüb-ı Ensârî muzâfâtından Haslar nâhiyesine tâbi‘ Pınarbeyli nâm karyede fevt olup İbrahim Ağa b. Durak nâm kimesnenin sulbî oğulları İsmail ve Süleyman ve sagīre kızı Fatmaˈnın tesviye-i emirlerine kıbel-i şer‘den nasb olunan vasîleri Şa‘bân Çavuş b. Mahmudˈun üzerine savb-ı şer‘den nâzır nasb olunması mühim olmağın hâkim-i muvakki‘-i sadr-ı kitâb tûbâ-lehû ve hüsnü-meâb hazretleri işbu bâ‘isüˈr-rakīm sıgār-ı mezkûrenin vâlideleri İsmihan Hatun bt. Hüseyin Ağa her vechile müstakīm ve emr-i nezârete kādire olmağla minvâl-i muharrer üzre vasî-i mezbûr üzerine nâzır ta‘yîn olundukda ol dahi nezâret-i mezbûreyi kabûl ve hizmet-i lâzımesin edâya müte‘ahhid olmağın mâ vaka‘a biˈt-taleb ketb olundu. Fiˈl-işrîn min-Zilhiccetiˈş-şerîfe li-sene erba‘a ve semânîn ve elf. Şuhûdüˈl-hâl: Mehmed Ağa b. Ahmed, Mustafa Ağa b. Mehmed, İbrahim Reis b. Mahmud, Ahmed b. Osman