Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 666 Hüküm no: 469 Orijinal metin no: [110b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Beşe’nin, karısı merhume Timurhan bt. Abdullah’ın çocuklarına vasî tayin edildiği Medîne-i Ebâ Eyyûb-i Ensârî mahallâtından Kızıl Mescid mahallesinde sâkine iken bundan akdem vefât eden Timurhan bt. Abdullahˈın sagīre sadriye kızları Esma ve Havvaˈya anaları mezbûreden müntakil mallarını hıfz ve mallarını zabtına bir vasîden mühim olmağın sagīrân-ı mezbûrânın babaları işbu râfi‘üˈl-kitâb İbrahim Beşe b. Mehmed her vecihle mechûlüˈl-hâl olmağla hâkim-i muvakki‘-i sadr-ı kitâb tûbâ-lehû ve hüsnü-meâb hazretleri minvâl-i muharrer üzere merkūm İbrahim Beşeˈyi vasî nasb ve ta‘yîn ol dahi vesâyet-i mezbûreyi kabûl ve hizmet-i lâzımesini edâya ta‘ahhüd etmeğin mâ vaka‘a biˈt-taleb ketb olundu. Fi’s-sâdis veˈl-işrîn mineˈl-Muharremiˈl-harâm li-sene hamse ve semânîn ve elf. Şuhûdüˈl-hâl: Ahmed Çelebi b. Mehmed, Hüseyin Çelebi b. Ali, Ivaz Beşe b. Ahmed, Mehmed el-münâdî