Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 673 Hüküm no: 475 Orijinal metin no: [112a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin cenine vasî atadığı Mahmiye-i Galata tevâbi‘inden Tophâne kasabası mahallâtından Mustafa Ağa mahallesinde sâkin iken bundan akdem vefât eden ( ) nâm kimsenin zevce-i menkûhası ( ) nâm hatunun batnındaki hamlin hâline ve ba‘de’l-vilâdet tesviye-i umûruna vasî lâzım olmağın, hâkim-i askerî-i muvakkı‘-ı a‘lâhü el-mütevakkı‘ rızâi rabbihî ve mevlâhu, cenîn-i mezbûra müteveffâ-yı mezbûrdan irs-i şer‘le intikāl edecek hisseyi hıfz ve hallerini zabt için evân-ı rüşd ve hadd-i bulûğuna değin mahmiye-i Kostantıniyye mahallâtından Gedikpaşa mahallesinde sâkin râfi‘-i hâze’l-kitâb Hüseyin b. eş-Şeyh İsmail nâm kimseyi vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’s-sânî min-Saferü’l-hayr li-sene hamse ve semânîn ve elf. Şuhûdü’l-hâl: Mustafa b. Hasan, Mustafa b. Mansur, Ahmed b. Hasan, Mehmed Çelebi b. Derviş, Ahmed b. Hüseyin