Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 68 Hüküm no: 33 Orijinal metin no: [5b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Muharrem Beşe’nin, es-Seyyid Mustafa Çelebi’ye borcu olduğu İşbu bâ‘isü’l-kitâb es-Seyyid Mustafa Çelebi b. Nasuh nâm kimesne makām-ı kazâda Muharrem Beşe b. Mustafa nâm râcil muvâcehesinde üzerine da‘vâ edip mezbûr Muharrem Beşe zimmetinde cihet-i karz-ı şer‘îden beş bin yüz akçe hakkım vardır, suâl olunup alıverilmesi matlûbumdur dedikde gıbbe’s-suâl fi’l-vâki‘ meblağ-ı merkūm beş bin yüz akçe cihet-i karz-ı şer‘îden müdde‘î-i mezbûr es-Seyyid Mustafa Çelebi’ye zimmetimde el-ân lâzımü’l-edâ vâcibü’l-kazâ deynim vardır deyü ikrâr u i‘tirâf etmeğin mûcebince mezbûr Muharrem Beşe’ye meblağ-ı mezbûru müdde‘î-i mezbûra edâ etmek üzere tenbîh olunup mâ-vaka‘a bi’t-taleb ketb olundu. Tahrîren fi’l-yevmi’s-sâlis min-şehri Şa‘bâni’l-mu‘azzam li-sene selâse ve sittin ve elf. Şuhûdü’l-hâl: İbrahim Beşe b. Mustafa, Mehmed Beşe b. İlyas, Mehmed Beşe b. Süleyman, Hasan Çelebi [b.] İbrahim, İbrahim Çelebi [b.] Davud, Rıdvan [b.] Abdullah.