Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 820 Hüküm no: 615 Orijinal metin no: [139b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Reis ve Mehmed Beşe’nin, Havva Hatun’un, kocası Musa Reis ile oğlu Mustafa’ın vekili olup Abdülkadir Çelebi’den tahsil ettiği borçlara kefil oldukları Mahmiye-i Galataˈda Yolcuoğlu mahallesinde sâkine olan hâlâ hâcc-ı şerîfde olan Musa Reis b. Receb ile oğlu Mustafa Çelebiˈnin vâlidesi mezbûr [mezbûr] Musaˈnın zevcesi Havva bt. ( ) hüccet-i şer‘iye ile vekâleti sâbite olan Havva bt. Abdülbaki nâm hatun meclis-i şer‘-i şerîfde işbu bâ‘isüˈl-vesîka Abdülkadir Çelebi b. Hüseyin mahzarında biˈl-vekâle ikrâr ve takrîr-i kelâm edip zevcim mezbûr Musaˈnın merkūm Kadri Çelebi yedinde emânet olan yüz esedî guruşa hâlâ vekâletim hasebiyle tamamen alıp kabz eylediğimden sonra gıbbeˈt-tasdîkiˈş-şer‘î mahmiye-i mezbûreye Okçu Musa mahallesinde sâkin Mehmed Reis b. Mehmed b. Mustafa ve Çatma Mescid mahallesinde sâkin Mehmed Beşe b. Abdullah nâm kimesneyi merkūm Kadri Çelebi b. ( ) mahzarında her biri ikrâr edip eğer meblağ-ı mezbûr yüz esedî guruşa vekîl-i merkūme Havva itlâf ederse meblağ-ı mezbûra her birimiz tarafeynden emr u kabûlü hâviye kefâlet-i sahîha-i şer‘iyeyle kefîl olduk dediklerinde ba‘deˈt-tasdîkiˈl-mu‘teber mâ vaka‘a biˈt-taleb ketb olundu. Fiˈs-sâlis min-Cumâdelâhire li-sene hamse ve semânîn ve elf. Şuhûdüˈl-hâl: Zahrüˈl-vâ‘izîn el-Hâc Musa Fethi b. Mehmed el-vâiz, el-Hâc Ali b. Musa, RamazanReis b. Mehmed, Kara Ahmed Beşe b. Mustafa, Abdullah Çelebi b. Musa Efendi