Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 836 Hüküm no: 628 Orijinal metin no: [142a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin babası ölen Osman adlı çocuğa vasî atadığı Hâl-i hayatında mahmiye-i Galata tevâbi‘inden Fındıklı kasabası mahallâtından Yahya Çelebi mahallesinde sâkin iken bundan akdem tarîk-ı hâcc-ı şerîfde vefât eden el-Hâc Şa‘bân nâm merhûmun Osman nâm sagīr oğlunun tesviye-i umûruna vasî lâzım olmağın, hâkim-i askerî-i muvakkı‘-ı a‘lâhü el-mütevakkı‘ rızâi rabbihî ve mevlâhu, sagīr-i mezbûra müteveffâ-yı mezbûrdan irs-i şer‘le intikāl eden mallarını hıfz ve hallerini zabt için evân-ı rüşd ve hadd-i bulûğuna değin hâmil-i hâze’l-kitâb Mehmed Çelebi b. el-Hâc Şa‘bân nâm kimseyi vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’s-sâdis aşere min-Cumâdelâhire li-sene hamse ve semânîn ve elf. Şuhûdü’l-hâl: Mustafa b. Ali, Veli Çelebi b. Ali, Mehmed Çelebi b. Hasan, Ahmed Çelebi b. Osman, Abdüllatif b. Ali