Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 69 Hüküm no: 35 Orijinal metin no: [6a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Asiye bt. Abdürrezzak’ın eskiden içinde değirmen olan boş arsasını sattığı Vilâyet-i Anadolu’da Bakırküresi kazâsına tâbi‘ ( ) nâm karye ahâlîsinden Asiye bt. Abdürrezzak nâm hatun mahfil-i şer‘-i şerîfde bâ‘is-i hâze’l-kitâb el-Hâc Mehmed [b.] Receb nâm kimesne muvâcehesinde ikrâr-ı tâm ve bast-ı merâm kılıp kazâ-i mezbûre kurâsından Avşarimam nâm karye sınırı dâhilinde vâki‘ Leysi değirmeni demekle ma‘rûf değirmen ve çağ tâ‘bir olunur sabıkā su değirmeni olan arsa-yı hâliyenin mülküm olan nısf-ı şâyi‘ini mezbûr el-Hâc Mehmed’e bey‘-i bâtt-ı sahîh-i şer‘î ile dört yüz elli akçeye bey‘ edip ol dahi kabûl eyledikden sonra semen-i merkūm dört yüz elli akçeyi yedinden bi’t-tamam ahz edip hisse-i mezbûru mahallinde zabta mezbûru taslît eyledim dedikde mâ-vaka‘a kayd şüd. Hurrire fi’t-târîhi’l-mezbûr. Şuhûdü’l-hâl: Hamza Bey b. Yahya, el-Hâc İbrahim Ağa b. Mehmed, Mehmed Çelebi b. İbrahim ve gayruhum mine’l-huzzâr.