Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 788 Hüküm no: 1031 Orijinal metin no: [122a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Harose bt. Dimitri’nin eşyalarını alan Mihal v. Yorgi’yle olan davasında sulh yoluyla anlaştıkları Mahmiye-i İstanbul’da Ohri mahallesi sâkinelerinden Harose bt. Dimitri nâm zimmiye meclis-i şer‘-i şerîfde bâ‘isü’s-sifr üvey oğlu Mihal v. Yorgi nâm zimmî muvâcehesinde ikrâr ve takrîr-i kelâm edip bundan akdem mezbûr Mihal dört yüz dirhem bir sîm ön kuşağımı ve her biri ( ) dirhem on aded sîm düğmemi fuzûlen ahz ve istihlâf etmekle mezbûr Mihal’den emsâlini taleb ettiğimde ol dahi inkâr etmekle beynimizde münâza‘ât-ı kesîre vakı‘a olmağın aramıza [122b] muslihûn tavassut edip mezbûr Mihal ile beynimizde beş esedî guruş üzre inşâ-i akd[-i sulh] ettiklerinde ben dahi sulh-i mezbûru kabûl ve bedel-i sulh olan meblağ-ı mezbûr beş esedî guruşu mezbûr Mihal yedinden tamâmen ahz u kabz ettiğimden sonra mezbûr Mihal ölünceye beni menzilinde iskân etmek üzre ta‘ahhüd eyledi dedikde gıbbe’t-tasdîk mâ vaka‘a bi’t-taleb ketb olundu. Fi’l-yevmi’l-âşir min Şevvâli’l-mükerrem li sene seb‘a ve seb‘în ve elf. Şuhûdü’l-hâl: Hasan Beşe b. Mehmed, Mustafa Çelebi b. Mehmed, Mehmed Beşe b. Ramazan, Baba Resul b. Rıdvan.