Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 789 Hüküm no: 1033 Orijinal metin no: [122b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kocası kaybolan Âişe bt. Abdi adlı kadına nafaka takdir edildiği Medîne-i mahrûse-i Galata müzâfâtından Kasımpaşa kasabası mahallâtından Surûrî mahallesinde sâkine olan Âişe bt. Abdi nâm hâtun meclis-i şer‘-i şerîf ve mahfil-i dîn-i münîfe -el-masûn ani’t-tağyîr ve’t-tahrîf- hâzıre olup bir müddetden beri gāib olan Ahmed b. Mehmed nâm zevcinin kendisine nafaka ve kisve bırakmadığına ve gaybûbetinden beri nafaka cinsinden bir şey de irsâl etmediğine dâir yemîn billâhi te‘âlâ ettiğinde hâkim, mezbûrenin nafakası, kisvesi ve sâir havâic-i zarûriyyesi için zeyl-i kitâbda mezkûr târihden i‘tibâren zevc-i gāibi üzerine yevmî râyicü’l-vakt sekiz akçe farz ve takdîr etti. Hâkim-i mûmâ ileyh ilâveten meblağ-ı mefrûz-i mezbûru havâic-i lâzımesine sarf etmesine ve vakt-i hâcette istidâne edip vakt-i zaferde zevc-i gāibine rücû‘ etmesine mezkûre Âişe Hâtun’a izin verdi. Cerâ zâlike ve hurrire fi’l-yevmi’l-hâdî aşere min Şevvâli’l-mükerrem sene seb‘a ve seb‘în ve elf. Şuhûdü’l-hâl: Mehmed Çelebi b. Ahmed, Mehmed Bey b. Süleyman, Abdi Çelebi b. Hüseyin, Şükrullah b. Mustafa, Ahmed Çelebi b. Mehmed.