Galata Mahkemesi 259 Numaralı Sicil (H. 1137-1138 / 1724-1725) cilt: 63, sayfa: 311 Hüküm no: 339 Orijinal metin no: [49a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadice bt. Cafer’in Çerkes asıllı cariyesi Gülistan bt. Abdullah’ı azat ettiği Mahrûse-i Galata hâricinde Şahkulu mahallesinde sâkine zâtı İmâm Mustafa Efendi b. Nasuh ve Sarrâc el-Hâc Mustafa b. Süleyman nâm kimesneler ta‘rîfleriyle mu‘arrefe olan Hadice bt. Ca‘fer nâm hâtun meclis-i şer‘de câriye-i memlûkesi olan alçak boylu açık kaşlı sarı elâ gözlü Çerkesiyyetü’l-asl Müslimetü’l-mille râfi‘atü’l-kabâle Gülistan bt. Abdullah muvâcehesinde ikrâr ve takrîr-i kelâm edip câriye-i memlûkem mevsûfe-i mezbûre Gülistan’ı vefâtımdan kırk gün mukaddem âzâd olmak üzere tedbîr-i mutlak ile tedbîr eylediğimde ol dahi ber-vech-i muharrer kabûl eyledi dedikde gıbbe’t-tasdîki’ş-şer‘î mezbûre Hadice Hâtun meclis-i mezbûrda mevsûfe-i mezbûre Gülistan muvâcehesinde i‘âde-i kelâm edip ben bi-emri’llâhi te‘âlâ vefât eylediğimde sülüs mâlımdan mevsûfe-i mezbûre Gülistan’a bir minder ve iki yasdık ve iki yorgan ve bir kebe ve iki sahan ve bir tencere verile dedikde gıbbe’t-tasdîki’l-mu‘teber mâ-hüve’l-vâkı‘ bi’l-ibtigā ketb olundu. Fi’l-yevmi’s-sânî aşer min-Muharremi’l-harâm sene 1138. Şuhûdü’l-hâl: Ahmed Çelebi b. Ali, (…) , Mustafa Çelebi b. el-Hâc Hasan, el-Hâc Kenan b. Dilaver, Ali Çelebi b. Mehmed, Mehmed Çelebi b. Nasuh, Osman Çavuş b. Ali.