Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 801 Hüküm no: 1051 Orijinal metin no: [124b-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emetullah bt. Ali adlı boşanmış ve hamile kadına nafaka takdir edildiği Hâkim, medîne-i mahmiye-i Kostantıniyye mahallâtından Mehmed Ağa mahallesinde sâkine olan Emetullah bt. Ali nâm hâmile hâtunun nafaka-i iddeti, kisvesi ve sâir havâic-i zarûriyyesi için zeylde mezkûr târihden vaz‘-ı hamline kadar İbrahim b. Mehmed nâm zevc-i mutallıkı üzerine, yevmî râyicü’l-vakt altı akçe farz ve takdîr etti ve meblağ-ı mefrûz-i mezbûru havâic-i lâzımesine sarf etmesine ve vakt-i hâcette istidâne edip vakt-i zaferde zevc-i mutallıkına rücû‘ etmesine mezkûre Emetullah hâtuna izin verdi. Cerâ zâlike ve hurrire fi’l-yevmi’t-tâsi‘ aşere min Şevvâli’l-mükerrem sene seb‘a ve seb‘în ve elf. Şuhûdü’l-hâl: Mehmed Bey b. Abdullah, İbrahim b. Ahmed, el-Hâc Mustafa b. ( ), Mehmed b. Ramazan, Veli Çelebi b. Mahmud.