Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 814 Hüküm no: 1061 Orijinal metin no: [127a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Vekil Zülfikar b. Kays’ın, terekeden alacağını Ebûbekir Ağa’dan tahsil ettiği Derûn-ı hüccet-i şer‘iyyede vekâleti sâbite olan Zülfikār b. Kays nâm kimesne meclis-i şer‘-i şerîfde vekîl-i mezbûr Ebûbekir Ağa mahzarında ikrâr ve takrîr-i kelâm edip ber mûceb-i defter-i kassâm müteveffâ-yı mezbûrun mecmû‘ terekesinin semeni olup mezbûr Ebûbekir Ağa’nın makbûzu olan on bin dokuz yüz elli dokuz akçenin sekiz binini mezbûr Ebûbekir Ağa yedinden tamâmen ahz u kabz edip meblağ-ı bâkīden ve bi’l-cümle tereke-i müteveffâ-yı mezbûra müte‘allika âmme-i de‘âvâdan mezbûr Ebûbekir Ağa’yı ibrâ-i âm ile ibrâ ve iskāt eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-ışrîn min Şevvâli’l-mükerrem li sene seb‘a ve seb‘în ve elf. Şuhûdü’l-hâl: İvaz Efendi b. Şaban, Musa Efendi b. Ebûbekir, İbrahim Çelebi b. Ahmed, Hasan Çelebi b. Ahmed, Hızır b. Abdullah.