Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 82 Hüküm no: 9 Orijinal metin no: [2a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerbetçi Kirkor v. Kiragos’un Todori v. Yorgi aleyhine açtığı alacak davasında iddiasını ispat edemediği Şerbetçi Kirkor v. Kiragos zimmî Galata Bâb Mahkemesi’nde meclis-i şer‘de Todori v. Yorgi zimmî muvâcehesinde mersûm Todori zimmî zimmetinde işbu bir kıt‘a Rûmiyyü’l-ibâre temessük mantûkunca cihet-i karzdan doksan guruş alacak hakkım olmağla hâlâ taleb ederim deyü ba‘de’d-da‘vâ ve’l-inkâr müdde‘î-i mersûm Kirkor zimmî ber-vech-i muharrer müdde‘âsına ikāmet-i beyyine edemeyip bi’t-taleb mersûm Todori zimmî ba‘de’t-tahlîfü’ş-şer‘î mûcebince müdde‘î-i mersûm Kirkor zimmî da‘vâ-yı mezkûresiyle mersûm Todori zimmîye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 7 M sene [1]221.