Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 83 Hüküm no: 12 Orijinal metin no: [2a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil Reis’in Kalafatçı Kalfası Mustafa Beşe’ye emanet verdiği mallarını veya bedelini ustası Mehmed Salih’den istemesinin meşru olmadığı Sefîne reislerinden Halil Reis b. Mehmed Salih nâm kimesne Galata Bâb Mahkemesi’nde meclis-i şer‘de kalafatçı ustalarından Mehmed Beşe b. İsmail nâm kimesne muvâcehesinde ben bundan akdem mezbûr Mehmed Beşe’nin kalfası gāib ani’l-meclis Kalafatçı Mustafa Beşe yedine mâlımdan îdâ‘ ve teslîm eylediğim mecmû‘u yüz guruş kıymetli iki yelken ve beş halat ve on makara ve iki aded sefîne demirlerimi veyâhud kıymetleri olan meblağ-ı mecmû‘-ı mezkûr yüz guruşu gāib-i mezbûr Mustafa Beşe mezbûr Mehmed Beşe’nin kalfası olduğuna binâen mezbûr Mehmed’den tazmîn taleb ederim deyü tasaddî eylediği da‘vâsı takrîr-i meşrûhu üzere meşrû‘a olmayıp mezbûr Mehmed Beşe’ye bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 9 M sene [1]221.