Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 91 Hüküm no: 31 Orijinal metin no: [3b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Hasan b. Hacı İbrahim’in şikâyeti üzerine karısı Şerife Zeynep Hatun’a kocasına itâat etmesinin tembih olunduğu Galata’da Sultan Bayezid Mahallesi’nde sâkin el-Hâc Hasan b. el-Hâc İbrahim nâm kimesne Galata Bâb Mahkemesi’nde meclis-i şer‘de zevcesi mu‘arrefetü’z-zât Şerife Zeyneb Hatun zevce-i medhûlüm-bihâm olup mehr-i mu‘accelini kendiye îfâ etmişiken bana itâ‘at ve inkıyâddan ibâ vü imtinâ‘ etmekle suâl olunup bana itâate zevcem mezbûre Şerife Zeyneb Hatun’a tenbîh olunmak matlûbumdur deyü da‘vâ ettikde ol dahi ber-vech-i muharrer ikrâr u i‘tirâf etmeğin mûcebince zevci mezbûra itâ‘at ve inkıyâda zevcesi mezbûre Şerife Zeyneb Hatun’a tenbîh olunduğu bi’l-iltimâs huzûr-ı âlîlerine i‘lâm olundu. Fî 15 M sene [1]221.