Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 91 Hüküm no: 32 Orijinal metin no: [3b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerbetçi İstefan’ın verdiği emanet eşyaları kendisine iade etmediği iddiasıyla Nikoli v. Yorgi aleyhine açtığı davada iddiasını ispat edemediği Galata’da mütemekkin Şerbetçi İstefan v. Yanaki nâm zimmî Galata Bâb Mahkemesi’nde meclis-i şer‘de Nikoli v. Yorgi nâm zimmî muvâcehesinde ben bundan akdem yedimde emvâlim olup mecmû‘u elli guruş kıymetli bir çuka nimten ve bir simli göğüslük ve iki bürüncek gömleğimi bi-tarîkı’l-emâne mersûm Nikoli zimmîye teslîm ol dahi ba‘de’l-ahz te‘addîsiyle istihlâk etmekle hâlâ ba‘de’s-sübût kıymet-i mezkûreleri olan mecmû‘-ı mezkûr elli guruşu mersûm Nikoli <> zimmîden taleb ederim deyü ba‘de’d-da‘vâ ve’l-inkâr müdde‘î-i mersûm ber-vech-i muharrer müdde‘âsını isbâta kādir olmayıp bi’t-taleb mersûm Nikoli zimmî ba‘de’t-tahlîfü’ş-şer‘î mûcebince müdde‘î-i mersûm İstefan zimmî da‘vâ-yı mezkûresiyle mersûm Nikoli zimmîye bilâ-beyyine mu‘ârazadan men‘ olunduğu huzûr-ı âlîlerine i‘lâm olundu. Fî 18 M sene [1]221.