Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 95 Hüküm no: 37 Orijinal metin no: [4a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sandalcı Kigork v. Oseb’in satması için verdiği emaneti kendisine iade eden Dellâl Menvil v. Kigork’un zimmetini ibra ettiği Sandalcı Kigork v. Oseb zimmî Galata’da mahfil-i kazâda Dellâl Menvil v. Kigork zimmî muvâcehesinde dellâl-ı mersûmun yedinde olup işbu mu‘âyene olunan müsta‘mel güğez kaput mâlım olmağla târih-i i‘lâmdan sekiz gün mukaddem “âhara semen-i ma‘lûme bey‘ ediver” deyü mesfûrun yedine teslîm ol dahi ba‘de’t-tesellüm zikrolunan kaputu âhara bey‘ edemeyip geri bana redd ü teslîm eyledikde ben dahi ahz u kabz edip husûs-ı mezkûra müte‘allika dellâl-ı mesfûr ile da‘vâ ve nizâ‘ım yoktur deyü ikrâr ve tasdîkleri bi’l-iltimâs huzûr-ı âlîlerine i‘lâm olundu. Fî 19 M sene [1]221.