Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 96 Hüküm no: 39 Orijinal metin no: [4a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin b. Ahmed’in Yahûdi Hayim aleyhine açtığı alacak davasında on guruşa sulh olduğu Hüseyin b. Ahmed nâm kimesne Galata Bâb Mahkemesi’nde meclis-i şer‘de Hayim v. Şemşon nâm Yahûdi muvâcehesinde mersûm Hayim Yahûdi zimmetinde cihet-i karzdan elli guruşdan bâkī otuz beş guruş alacak hakkım olmağla hâlâ taleb ederim deyü tasaddî eylediğim da‘vâmdan bâ-vesâtet-i muslihîn Yahûdi-i mersûm ile on guruşa ba‘de’s-sulh ve’l-kabûl bedel-i sulh-ı mezkûrdan mâ‘adâ yirmi guruşa müte‘allika da‘vâdan Yahûdi-i mersûmun zimmetini kabûlü hâvî ba‘de’l-ibrâ ibrâdan müstesnâ bedel-i sulh-ı mezkûr on guruş Yahûdi-i mersûmun zimmetinde kalmağla taleb ederim deyü ba‘de’d-da‘vâ ve’l-ikrâr alâ-mûcibi ikrârihi bedel-i sulh-ı mezkûr on guruşun müdde‘î-i mezbûr Hüseyin’e edâsıyla Yahûdi-i mersûm ilzâm olunduğu huzûr-ı âlîlerine i‘lâm olundu. Fî 27 M sene [1]221.