Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 96 Hüküm no: 40 Orijinal metin no: [4a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Hacı Mehmed Ağa’nın oğlu İbrahim’e vermesi için emanet ettiği eşyaları vermediği iddiasıyla Hacı Mustafa Ağa aleyhine açtığı davada iddiasını ispat edemediği
Vilâyet-i Anadolu’da Trabzon kazâsı ahâlîsinden el-Hâc Mehmed Ağa b. İbrahim nâm kimesne Galata Bâb Mahkemesi’nde meclis-i şer‘de el-Hâc Mustafa Ağa b. Ömer nâm kimesne muvâcehesinde ben bundan akdem kazâ-i merkūmda sâkin oğlum İbrahim’e ver deyü mezbûr el-Hâc Mustafa Ağa yedine mâlımdan îdâ‘ ve teslîm eylediğim mecmû‘ iki yüz guruş kıymetli üç top Gedüs (Gediz) bezi ve kırk iki değirmi mücessem yemenî ve dört top Şam alacası ve üç endâze sarı hâre ve altı sermen fes ve bir çorabı oğlum mezbûra emrim üzere vermeyip yedinde kalmağla aynıları mevcûd ise aynılarını te‘addîsiyle müstehlek ise ba‘de’s-sübût kıymetleri olan meblağ-ı mecmû‘-ı mezkûr iki yüz guruşu bi-tarîkı’d-damân mezbûr el-Hâc Mustafa Ağa’dan taleb ederim deyü ba‘de’d-da‘vâ ve’s-suâl ol dahi cevâbında eşyâ-i muharrere-i mezkûreyi müdde‘î-i mezbûrun emri üzere oğlu mezbûr İbrahim yedine tamamen teslîm etmişidim deyicek mezbûr el-Hâc Mustafa Ağa husûs-ı mezkûrda yemînle tasdîk olunur ümenâdan olmağla mezbûr el-Hâc Mustafa Ağa bi’t-taleb ba‘de’t-tahlîfü’ş-şer‘î mûcebince müdde‘î-i mezbûr el-Hâc Mehmed Ağa da‘vâ-yı mezkûresiyle mezbûr el-Hâc Mustafa Ağa’ya bî-vech mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu.
Fî 26 M sene [1]221.
|