Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 104 Hüküm no: 55 Orijinal metin no: [5b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalyoncu Mehmed Çavuş’un kiracısı olduğu kahvehaneyi tahliye edip sahibesi Şerife Azîze Hatun’a teslim etmesine karar verildiği Galata’da Câmi‘-i kebîr Mahallesi’nde sâkine ve zâtı vech-i şer‘î üzere mu‘arrefe Şerife Azîze bt. el-Hâc Mahmud Galata Bâb Mahkemesi’nde meclis-i şer‘de Kalyoncu Mehmed Çavuş b. Ahmed muvâcehesinde mahalle-i mezbûrede vâki‘ mutasarrıfe olduğum ma‘lûmü’l-hudûd bir kıt‘a kahvehânemde mezbûr Mehmed Çavuş şehriye dörder guruş kirâ ile aded-i şühûr beyân olunmaksızın müstecirim olup dükkân-ı merkūmun bana lüzûmu olduğuna binâen târih-i i‘lâm şehri gāyetine izâfetle fesh-i îcâr etmemle dükkân-ı merkūmu gāyet-i şehr-i merkūmda tahliye ve bana teslîme mezbûr Mehmed Çavuş’a tenbîh olunmak matlûbumdur deyü da‘vâ ettikde ol dahi cevâbında ber-vech-i muharrer ikrâr u i‘tirâf etmeğin mûcebince dükkân-ı merkūmu gāyet-i şehr-i merkūmda tahliye ve mutasarrıfesi müdde‘iye-i mezbûreye teslîme mezbûr Mehmed Çavuş’a tenbîh olunduğu bi’l-iltimâs [huzûr-ı âlîlerine i‘lâm olundu.] Fî 12 S sene [1]221.