Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 105 Hüküm no: 59 Orijinal metin no: [5b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerbetçi Yorgi v. Andon’un karz ve eşya bedelinden Aşçı Artin v. Avanis’den yirmi sekiz guruş alacağı olduğu Şerbetçi Yorgi v. Andon zimmî Galata Bâb Mahkemesi’nde meclis-i şer‘de şerbethâne aşçılarından Artin v. Avanis muvâcehesinde mersûm Artin zimmî zimmetinde cihet-i karzdan on dokuz guruş ile beynimizde ma‘lûmü’l-aded çanak semeninden dahi dokuz guruş ki cem‘an yirmi sekiz guruş alacak hakkım olmağla hâlâ taleb ederim deyü ba‘de’d-da‘vâ ve’l-ikrâr alâ-mûcibi ikrârihi meblağ-ı mecmû‘-ı mezkûr yirmi sekiz guruşun müdde‘î-i mersûm Yorgi zimmîye edâsıyla mersûm Artin zimmî ilzâm olunduğu bi’l-iltimâs [huzûr-ı âlîlerine i‘lâm olundu.] Fî 15 Safer sene [1]221.