Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 106 Hüküm no: 60 Orijinal metin no: [5b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil Efendi’nin eski ticârî ortağı İsmail Reis aleyhine açtığı alacak davasında yirmi guruşa sulh olduğu Halil Efendi b. Mustafa nâm kimesne Galata Bâb Mahkemesi’nde meclis-i şer‘de İsmail Reis b. Halil muvâcehesinde ben bundan akdem mezbûr İsmail Reis ile fâide-i hâsılası beynimizde müsâvî olmak üzere pekmez bey‘ u şirâsında akd-i şirket edip ba‘dehû fesh-i akd-i şirket-birle hesâbımızı rü’yet eylediğimizde fâide-i hâsıladan benim nısf hisseme isâbet eden yüz elli guruşun yirmi beş guruşunu mezbûr İsmail Reis’in yedinden ba‘de’l-ahz bâkī yüz yirmi beş guruşu hâlâ taleb ederim deyü tasaddî eylediğim da‘vâmdan bâ-tavassut-ı muslihîn mezbûr İsmail Reis ile yirmi guruş bedel-i makbûza ba‘de’s-sulh ve’l-kabûl mâ‘adâ yüz beş guruşa müte‘allika da‘vâdan mezbûr İsmail Reis’in zimmetini kabûlü hâvî ibrâ ve iskāt eyledim deyü ikrâr ve tasdîkleri tescîl bi’l-iltimâs [huzûr-ı âlîlerine i‘lâm olundu.] Fî 14 Safer sene [1]221.