Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 112 Hüküm no: 74 Orijinal metin no: [6b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kazzaz Yanaki v. Yorgi’nin ibrişim bedelinden Terzi Haçador v. Ohannes’den yirmi dört guruş alacağı olduğu Kazzâz esnâfından Yanaki v. Yorgi nâm zimmî Galata Bâb Mahkemesi’nde meclis-i şer‘de hayyât tâifesinden Haçador v. Ohannes nâm zimmî muvâcehesinde mersûm Haçador zimmî zimmetinde bundan akdem yedimden ve mâlımdan iştirâ ve kabz eylediği vezn ve fiyatı beynimizde ma‘lûm ibrişim semeninden seksen dokuz guruşdan bâkī elli bir guruş alacak hakkım olmağla hâlâ taleb ederim deyü da‘vâ eyledikde ol dahi cevâbında cihet-i mezkûreden ancak seksen guruş deynim olup meblağ-ı mezkûrun elli altı guruşunu kendiye teslîm mâ‘adâ yirmi dört guruş zimmetimde deynim bâkī kalmışdır deyü ziyâde yirmi yedi guruşu ba‘de’l-inkâr müdde‘î-i mersûm Yanaki zimmî ziyâde müdde‘âsını ve mersûm Haçador zimmî ziyâde medfû‘unu herbir isbâta kādir ve tâlib-i tahlîf dahi olmamağın mûcebince mersûm Haçador zimmînin ikrârıyla lâzım gelen yirmi dört guruşu müdde‘î-i mersûm Yanaki zimmîye edâsıyla mersûm Haçador zimmî ilzâm olunduğu bi’[l]-iltimâs [huzûr-ı âlîlerine i‘lâm olundu.] Fî 23 S sene [1]221.