Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 115 Hüküm no: 79 Orijinal metin no: [7a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Hacı Hüseyin’in on altı sene önce boşandığı kocası Mehmed b. Hacı Ali aleyhine açtığı mehir ve eşya davasının zamanaşımı nedeniyle meşru olmadığı Galata’da Bereketzâde Mahallesi’nde sâkine mu‘arrefetü’z-zât Âişe bt. el-Hâc Hüseyin nâm hatun Galata Bâb Mahkemesi’nde meclis-i şer‘de zevc-i sâbıkı Mehmed b. el-Hâc Ali nâm kimesne muvâcehesinde mezbûr Mehmed yüz elli guruş müeccel tesmiyesiyle zevcim iken târih-i i‘lâmdan on altı sene mukaddem beni bâyinen tatlîk etmekle zimmetinde mütekarrir ve ma‘kūdun-aleyh mehr-i müeccel hakkım olan yüz elli guruş ve beynimizde ma‘lûm eşyâ kıymetlerinden yüz on dört guruş ki cem‘an iki yüz altmış dört guruşu mezbûr Mehmed’den taleb ederim deyü da‘vâ eyledikde ol dahi cevâbında inkârından mâ‘adâ müdde‘iye-i mezbûre Âişe Hatun müddet-i mezkûreden beri mezbûr Mehmed ile bir belde[de] sâkinler olup bu müddetde bilâ-özr-i şer‘î sükūt ve terk-i da‘vâ eylediğini mukırre ve mu‘terife olmağın da‘vâsı bilâ-emr mesmû‘a olmayıp bî-vech mu‘ârazadan men‘ olunduğu bi’l-iltimâs [huzûr-ı âlîlerine i‘lâm olundu.] Fî 20 Safer sene 1221.