Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 120 Hüküm no: 90 Orijinal metin no: [8a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Francalacı hizmetlilerinden Yani v. Yorgo’nun Francala Ustası Melkon v. Bogos aleyhine açtığı alacak davasında iddiasını ispat edemediği Francalacı hizmetlilerinden Yani v. Yorgo zimmî Galata Bâb Mahkemesi’nde meclis-i şer‘de francalacı ustalarından Melkon v. Bogos zimmî muvâcehesinde mersûm Melkon zimmî zimmetinde francalacılık hizmeti ücretinden alacak hakkım olan iki yüz seksen üç buçuk guruşu hâlâ taleb ederim deyü da‘vâ ettikde ol dahi cevâbında müdde‘î-i mersûmun kabzını mukırr u mu‘terif olduğu meblağ-ı mezkûr iki yüz kırk guruşdan ziyâde müdde‘âsını ba‘de’l-inkâr müdde‘î-i mersûm ber-vech-i muharrer ziyâde müdde‘âsına ikāmet-i beyyine edemeyip bi’t-taleb mersûm Melkon zimmî ba‘de’t-tahlîfü’ş-şer‘î mûcebince müdde‘î-i mersûm ziyâde-i mezkûr kırk buçuk guruş mütâlebesiyle mersûm Melkon zimmîye bilâ-beyyine mu‘ârazadan men‘ olunduğu bi’l-iltimâs [huzûr-ı âlîlerine i‘lâm olundu.] Fî 29 Safer sene [1]221.