Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 125 Hüküm no: 101 Orijinal metin no: [9a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nefise Hatun’un kocası Bıçakçı Mehmed Beşe tarafından haksız yere alınan beş yüz doksan yedi guruş kıymetli mücevher ve ferâcesinin kendisine iadesi Galata’ya muzâfe kasaba-i Tophane’de İlyas Çelebi Mahallesi’nde sâkine ve zâtı vech-i şer‘î üzere mu‘arrefe Nefîse Hatun bt. Mustafa Galata Bâb Mahkemesi’nde meclis-i şer‘de zevc-i dâhili Bıçakçı Mehmed Beşe b. Mehmed Salih muvâcehesinde yedimde mâlım olan beş yüz doksan yedi guruş kıymetli başları elmaslı bir çift altın bileziğimi ve yüz guruş kıymetli gümüşî çuka bir ferâcemi zevcim mezbûr bi-gayr-ı hak gasben ahz edip aynıları yedinde mevcûd olmağla istirdâd ederim deyü da‘vâ eyledikde zevci mezbûr dahi cevâbında hâl bi’l-cümle bast olunan minvâl üzere olduğunu tâyi‘an ikrâr u i‘tirâf etmeğin mûcebince zikrolunan bilezik ve ferâceyi bi-a‘yânihimâ müdde‘iye-i mezbûre Nefîse Hatun’a redd ü teslîme mezbûr Mehmed Beşe’ye tenbîh olunduğu bi’l-iltimâs [huzûr-ı âlîlerine i‘lâm olundu.] Fî-gurreti Ra sene [1]221.