Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 127 Hüküm no: 105 Orijinal metin no: [9a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mihal v. Gavril’in domuz kılı bedelinden Bakkāl Yuvan v. Danyel’den yüz elli iki guruş yirmi beş para alacağı olduğu Galata’da mütemekkin Mihal v. Gavril zimmî Galata Bâb Mahkemesi’nde meclis-i şer‘de Bakkāl Yuvan v. Danyel zimmî muvâcehesinde mersûm Yuvan zimmî zimmetinde vezn ve fiyatı beynimizde ma‘lûm şa‘r-ı hınzır semeninden yüz elli iki guruş yirmi beş para alacak hakkım olmağla hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr yüz elli iki guruş yirmi beş paranın müdde‘î-i mersûm Mihal zimmîye edâsıyla mersûm Yuvan zimmî ilzâm olunduğu bi’l-iltimâs [huzûr-ı âlîlerine i‘lâm olundu.] Fî 5 Ra sene [1]221.