Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 127 Hüküm no: 104 Orijinal metin no: [9a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müezzin Seyyid Mehmed Çelebi’nin Kasımpaşa’daki Cami-i kebir Mahallesi avarız vakfına üç yüz elli guruş borcu olduğu Galata’ya muzâfe kasaba-i Kasımpaşa’da Câmi‘-i kebîr Mahallesi avârız vakfının mütevellîsi es-Seyyid Ali Efendi b. es-Seyyid Mehmed Efendi nâm kimesne Galata Bâb Mahkemesi’nde meclis-i şer‘de câmi‘-i mezbûrun müezzin-i sânîsi es-Seyyid Mehmed Çelebi b. es-Seyyid Ali nâm kimesne muvâcehesinde mâl-ı vakf-ı mezbûrdan mezbûr es-Seyyid Mehmed Çelebi zimmetinde cihet-i karzdan vakf-ı mezbûra deyni olan üç yüz elli guruşu taraf-ı vakf-ı mezbûr için mezbûr es-Seyyid Mehmed Çelebi’den bi’t-tevliye taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr üç yüz elli guruşu taraf-ı vakf-ı mezkûr için mütevellî-i mezbûr es-Seyyid Ali Efendi’ye edâ ve teslîme mezbûr es-Seyyid Mehmed Çelebi’ye tenbîh olunduğu bi’l-iltimâs [huzûr-ı âlîlerine i‘lâm olundu.] Fî 5 Ra sene [1]221.