Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 133 Hüküm no: 113 Orijinal metin no: [10a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berber Ahmed Beşe ile karısı Emine bt. Ali’ye birbirlerinin haklarına riayet ederek iyi geçinmelerinin öğütlendiği Galata’ya muzâfe İstinye nâhiyesine tâbi‘ Rumelihisarı’nda sâkin derûn-ı arzuhâlde mezkûrü’l-ism Berber Ahmed Beşe b. Mehmed Sâdık Galata Bâb Mahkemesi’nde meclis-i şer‘de zevce-i medhûlün-bihâsı sâhibe-i arzuhâl mu‘arrefetü’z-zât Emine bt. Ali nâm hatun muvâcehesinde mezbûre Emine Hatun zevce-i medhûlün-bihâm olup mehr-i mu‘accelini kendiye îfâ etmişiken bana itâ‘at ve inkıyâddan ibâ vü imtinâ‘ etmekle bana itâ‘at ve inkıyâda tenbîh olunmak matlûbumdur deyü da‘vâ eyledikde ol dahi cevâbında ber-vech-i muharrer ikrâr lâkin zevcim mezbûr Ahmed Beşe hadîdü’l-lisân olup dâimâ beni bi-gayr-ı hak ta‘cîz ve tekdîr ve hilâf-ı şer‘-i mutahhar darbeylediği ecilden imtinâ‘ ederim deyü mezbûr Ahmed Beşe muvâcehesinde teşekkî etmekle fîmâ-ba‘d mezbûr Ahmed Beşe zevcesi mezbûreyi ta‘cîz ve tekdîr ve hilâf-ı şer‘-i mutahhar darbetmemeğe ve mezbûre Emine Hatun zevci mezbûr Ahmed Beşe’ye itâ‘at ve inkıyâda herbirine tenbîh olunduğu tescîl ve mübâşirleri Kapıkethüdâsı İbrahim kulları yediyle huzûr-ı âlîlerine i‘lâm olundu. Fî 10 Ra sene [1]221.