Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 144 Hüküm no: 134 Orijinal metin no: [12b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dimitri v. Angeli’nin alacağı olduğu iddiasıyla Angeli v. Andreya aleyhine açtığı davada on iki guruşa sulh olduğu Dimitri v. Angeli nâm zimmî Galata Bâb Mahkemesi’nde meclis-i şer‘de Angeli v. Andreya nâm zimmî muvâcehesinde mersûm Angeli zimmî zimmetinde cihet-i karzdan altmış guruş alacak hakkım olmağla hâlâ taleb ederim deyü tasaddî eylediğim da‘vâmdan bâ-tavassut-ı muslihîn mersûm Angeli zimmî ile on iki guruşa ba‘de’s-sulh ve’l-kabûl bedel-i sulh-ı mezkûrdan mâ‘adâ kırk sekiz guruş mütâlebesine müte‘allika da‘vâdan mersûm Angeli zimmînin zimmetini kabûlü hâvî ba‘de’l-ibrâ ibrâdan müstesnâ bedel-i sulh-ı mezkûr on iki guruş mersûm Angeli zimmînin zimmetinde kalmağla taleb ederim deyü ba‘de’d-da‘vâ ve’l-ikrâr alâ-mûcibi ikrârihi bedel-i sulh-ı mezkûr on iki guruşun müdde‘î-i mersûm Dimitri zimmîye edâsıyla mersûm Angeli zimmî ilzâm olunduğu bi’[l]-iltimâs huzûr-ı âlîlerine i‘lâm olundu. Fî 21 Ra sene [1]221.