Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 143 Hüküm no: 133 Orijinal metin no: [12a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yelkenci Kiryako v. Aleksi’nin alacağı olduğu iddiasıyla Yorgi v. Vasil aleyhine açtığı davada iddiasını ispat edemediği Sefîne yelkencilerinden Kiryako v. Aleksi nâm zimmî Galata Bâb Mahkemesi’nde meclis-i şer‘de sefîne aşçılarından Yorgi v. Vasil nâm zimmî muvâcehesinde mersûm Yorgi zimmî zimmetinde cihet-i karzdan seksen üç guruşdan bâkī elli üç guruş alacak hakkım olmağla hâlâ taleb ederim deyü ba‘de’d-da‘vâ ve’l-inkâr müdde‘î-i mersûm ber-vech-i muharrer müdde‘âsına ikāmet-i beyyine edemeyip bi’t-taleb mersûm Yorgi zimmî ba‘de’t-tahlîfü’ş-şer‘î mûcebince müdde‘î-i mersûm Kiryako zimmî da‘vâ-yı mezkûresiyle mersûm Yorgi zimmîye bilâ-beyyine mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 25 Ra sene [1]221.