Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 150 Hüküm no: 150 Orijinal metin no: [13b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tütüncü Abdullah Beşe’nin alacağına kefaletinden dolayı Kalyoncu Osman Beşe’den yirmi guruş alacağı olduğu Tütüncü Abdullah Beşe b. Musa nâm kimesne Galata Mahkemesi’nde meclis-i şer‘de Kalyoncu Osman Beşe b. el-Hâc Ali nâm kimesne muvâcehesinde gāib ani’l-meclis Ali b. Abdullah zimmetinde kıyye ve fiyatı beynimizde ma‘lûm duhân semeninden yirmi guruş alacak hakkıma mezbûr Osman Beşe kefâlet-i sahîha-i şer‘iyye ile kefîl ve zâmin olmağla binâen-aleyh meblağ-ı merkūm yirmi guruşu bi-hükmi’l-kefâle hâlâ taleb ederim deyü ba‘de’d-da‘vâ ve’l-ikrâr alâ-mûcibi ikrârihi meblağ-ı merkūm yirmi guruşu müdde‘î-i mezbûr Abdullah Beşe’ye bi-hükmi’l-kefâle edâya mezbûr Osman Beşe’ye tenbîh olunduğu bi’l-iltimâs huzûr-ı âlîlerine i‘lâm olundu. Fî 18 Ra sene [1]221.