Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 151 Hüküm no: 151 Orijinal metin no: [13b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamal Ohan v. Bogos ile Avanis v. Kirkor’un birbirleri aleyhlerine açtıkları küfür davasından vazgeçip zimmetlerini ibra ettikleri Galata’da mütemekkin Hamal Ohan v. Bogos nâm zimmî Galata Bâb Mahkemesi’nde meclis-i şer‘de Avanis v. Kirkor nâm zimmî muvâcehesinde mersûm Avanis zimmî ta‘zîr[i] mûcib lafzla bi’l-muvâcehe bana şetm etmekle mûcib-i şer‘îsini taleb ederim deyü da‘vâ ettikde mesfûr Ohan zimmî dahi kezâlik ta‘zîr[i] mûcib lafzla bi’l-muvâcehe bana şetm etmekle mûcib-i şer‘îsini taleb ederim deyü da‘vâ ve herbirimiz âharın müdde‘âsını inkâr-birle herbiri tasaddî eyledikleri da‘vâlarından meccânen fâriğler olup husûs-ı mezkûra müte‘allika da‘vâdan herbiri âharı kabûlü hâvî ibrâ ve iskāt-birle kat‘-ı münâza‘a eyledikleri bi’[l]-iltimâs huzûr-ı âlîlerine i‘lâm olundu. Fî 19 Ra sene [1]221.