Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 153 Hüküm no: 157 Orijinal metin no: [14a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Todori v. Andon’un karzdan alacağı olduğu iddiasıyla Hıristo v. Yuvan aleyhine açtığı davanın tehîr olunduğu Mahrûse-i Galata’da mütemekkin Todo[ri] v. Andon zimmî mahrûse-i mezbûrede mahfil-i kazâda Tavşan oğlanlarından Hıristo v. Yuvan nâm şâbb-ı emred muvâcehesinde benim şâbb-ı mersûm zimmetinde cihet-i karzdan doksan yedi guruş alacak hakkım olmağla hâlâ taleb ederim deyü da‘vâ eyledikde ol dahi husûs-ı mezkûru külliyyen inkârından mâ‘adâ mersûm Hıristo şâbb-ı emred ve müdde‘î-i mersûm Todori zimmî mazanne-i sû’-i töhmet olup bu misillü şâbb-ı emredden hukūk da‘vâsı istimâ‘ından bâ-emr-i âlî hükkâm memnû‘lar olmağla ber-mantûk-ı fermân-ı âlî da‘vâ-yı mezkûrenin istimâ‘ı vakt-i ilticâsına tevkīf olunduğu bi’[l]-iltimâs [huzûr-ı âlîlerine i‘lâm olundu.] Fî 3 R sene [1]221.